सदरलाइनडटकम,
दाङ : दाङस्थित राप्ती स्वास्थ्य विज्ञान प्रतिष्ठानको सेवा बिहीवारदेखि ठप्प भएको छ । साबिक राप्ती उपक्षेत्रीय अस्पतालका कर्मचारीले अस्पतालको सेवा ठप्प पारेका हुन् । अस्पताल विकास समितिमा कार्यरत कर्मचारीले बिहान १० बजेदेखि बेलुका ६ बजेसम्म अस्पतालको सम्पूर्ण सेवा बन्द गरेका छन् ।
इमरजेन्सी, प्रसूति र हेमोडाइलासिस सेवा भने सुचारु रहेको संघर्ष समितिका संयोजक हिमराज गौतमले बताए । रोजगारीको सुनिश्चितता, तलब भुक्तानीका साथै कर्मचारीबीचको विभेद अन्त्य गर्नुपर्ने लगायतका माग राख्दै कर्मचारीहरु आन्दोलित भएका हुन् । आफ्ना माग पूरा नभए चरणबद्ध आन्दोलन गर्ने कर्मचारीहरुले चेतावनी दिएका छन् ।
![](https://sadarline.com/wp-content/uploads/2022/07/3.jpg)