सदरलाइनडटकम
नेपालगञ्ज : बाँकेको बैजनाथ गाउपालिका वडा नं ६ को देउती ईटाभट्टा उद्योग अगाडि एचगाउमा शुक्रबार दिउसो साढे ४ बजे ट्रकले टेम्पोलाई ठक्कर दिदा एकजना घाइते भएका छन् ।
प्रहरी चौकी सम्झनाका ईन्चार्ज समेत रहेका प्रहरी सहायक निरिक्षक असई कुलबहादुर बमले दिएको जानकारी अनुसार भे १ ख १६८३ नं. को ट्रकले भे १ ह ९३२८ नं.को टेम्पोलाई ठक्कर दिदा बाँके बैजनाथ–५ का ४५ वर्षिय जित बहादुर राउत गम्भीर घाइते भएका हुन ।
घाइते राउत टेम्पो चालक भएको प्रहरीले जनाएको छ । घटना लगत्तै प्रहरी सहायक निरिक्षक बमले घाइतेको उद्दार गरी अस्पताल पठाएको बताए । घाइते राउतको नेपालगञ्ज नर्सिङ्गहोममा उपचार भई रहेको छ । ट्रक चालक घटना लगत्तै फरार रहेको तर ट्रक नियन्त्रणमा लिएर उनको खोजी भई रहेको प्रहरीले जनाएको छ ।
ट्रकले टेम्पोलाई ठक्कर दिदा एक घाइते
१४ मंसिर २०७५, शुक्रबार १७:५२
