सदरलाइनडटकम,
बर्दिया : बर्दियामा बस दुर्घटना हुँद एकको मृत्यु भएको छ भने अन्य १८ जना घाईते भएका छन् । हुलाकी राजमार्गअन्तर्गत पर्ने गुलरिया नगरपालिका १ खैरापुरमा बस दुर्घटना हुँदा बर्दिया बाँसगढी नगरपालिका माछागढका ४५ वर्षीय कर्णबहादुर सुनारको मृत्यु भएको हो ।
ना ३ ख ८५५४ नम्बरको बस अनियन्त्रित भई दुर्घटना हुँदा १८ जना घाईते भएका छन् । घाइतेमध्ये ११ जनाको जिल्ला अस्पताल गुलरियामा उपचार भईरहेको छ भने ७ जनालाई थप उपचारका लागि नेपालगञ्ज लगिएको छ ।
बर्दियाको सदरमुकाम गुलरियाबाट गेरुवा गाउँपालिकाका लागि छुटेको बस अनियन्त्रित हुँदा दुर्घटना भएको जिल्ला प्रहरी कार्यालय बर्दियाले जनाएको छ ।
बर्दियामा बस दुर्घटना हुँदा एकको मृत्यु, १८ घाइते
६ मंसिर २०७५, बिहीबार १६:१८
