सदरलाइनडटकम,
दाङ : सडक दुर्घटनामा परि दाङमा एक जनाको मृत्यु भएको छ । घोराही तुलसीपुर सडक खण्डको रावतगाउँ चोक नजिकै मंगलवार दिउँसो टिप्परले मोटरसाईकललाई ठक्कर दिँदा एक जनाको घटनास्थलमै मृत्यु भएको हो ।
घोराहीबाट सर्रा तर्फ जाँदै गरेको रा ३ प ८०८२ नम्बरको मोटरसाईकललाई रा १ क ५८२ नम्बरको टिप्परले पछाडीबाट ठक्कर दिँदा घोराही उपमहानगरपालिका १६ सानीअम्बापुरका ४२ बर्षीय तेजबहादुर खत्रीको घटनास्थलमै मृत्यु भएको प्रहरीले जनाएको छ । ठक्करपछि सडकदेखि तल खसेका मोटरसाईकल चालक सानीअम्वापुरकै बसन्त गिरी घाईते भएका छन् ।
गिरीको राप्ती स्वास्थ्य बिज्ञान प्रतिष्ठानमा उपचार भइरहेको छ । ठक्कर दिने टिप्पर र चालकलाई प्रहरी चौकी सर्राले नियन्त्रणमा लिएको ट्राफिक प्रहरी कार्यालयका प्रहरी नायव निरीक्षक बिबेक महराले बताए ।
![](https://sadarline.com/wp-content/uploads/2022/07/3.jpg)