सदरलाइनडटकम,
रौतहट : आधुनिक हतियारसहित शुक्रवार रौतहटमा ६ जना पक्राउ परेका छन् । चाइनिज पेस्तोल र त्यसमा लाग्ने म्याग्जिनसहित चार भारतीय र दुई नेपाली पक्राउ परेका हुन् ।
चाडपर्व सुरक्षा गस्ती टोलीले भारतको सीमावर्ती क्षेत्रबाट बिहीवार राति एक बजे चार भारतीय र दुई नेपालीलाई मेड इन चाइना लेखेको अटोमेटिक पेस्तोल तथा एक थान म्याग्जिनसहित पक्राउ गरेको जिल्ला प्रहरी कार्यालय रौतहटका प्रहरी उपरीक्षक केदार ढकालले बताए ।
प्रहरी नायव निरीक्षक कृष्णकुमार बस्नेत नेतृत्वको टोलीले परोहा नगरपालिका ८ मोतिपुरनजिक दशगजा क्षेत्रबाट भारत बिहार मोतिहारीका २२ वर्षीय कमल साह, घोडासन श्रीपुरका ३२ वर्षीय राकेश पासवान, २८ वर्षीय सन्दीप पासवान र २६ वर्षीय अवधेश चौरसियालाई पक्राउ गरेहो हो ।
यस्तै धनुषा धामको फुलवरिया गाउँपालिका १ का ३१ वर्षीय रोहित साह र काभ्रेपलाञ्चोक टिमालका २५ वर्षीय मनोज तामाङलाई पनि सँगै पक्राउ गरिएको प्रहरी उपरीक्षक ढकालले जानकारी दिए । तिनीहरूलाई गाजा सेवन गर्दै बसेको अवस्थामा चारैतिरबाट घेरा हाली पक्राउ गरिएको जनाएको छ ।
चाइनिज पेस्तोलसहित रौतहटमा ६ जना पक्राउ
२६ आश्विन २०७५, शुक्रबार १७:११
