सदरलाइनडटकम,
काठमाण्डौ : आईसीसी टि–२० विश्वकप एसिया उपक्षेत्रीय छनोट प्रतियोगितामा नेपाल १० विकेटले विजयी भएको छ । चीनले नेपाललाई दिएको २७ रनको लक्ष्य नेपालले १ दशमलव ५ ओभरमा पूरा गरेको थियो ।
नेपालका विनोद भण्डारीले २४ तथा प्रदीप ऐरी ४ रनमा नट आउट रहे । टस जितेर पहिला फिल्डिङ गरेको नेपालले चीनलाई १३ ओभरमा २६ रनमा अल आउट गरेको थियो । चीनका होङजियान याङले सर्वा्धिक ११ रन जोड्नु बाहेक अरुले दोहोरो अंकमा रन बनाउन सकेनन् ।
दोस्रो ठूलो रन डेन्जिमाले ५ रन जोडेका थिए । नेपाल एशिया उपक्षेत्रीय छनोट प्रतियोगिताको शीर्ष स्थानमा रहन अब सिंगापुरसँग प्रतिस्पर्धा गर्नुपर्ने छ । सिंगापुर अहिले दोस्रो स्थानमा छ । नेपाल र सिंगापुरले अहिलेसम्म शतप्रतिशत नतिजना निकालेका छन् ।
आईसीसी टि–२० विश्वकपमा नेपालसँग चीन पराजित
२४ आश्विन २०७५, बुधबार १६:२०
