उप–महानगरद्वारा नेत्रहिन लक्षित कार्यक्रमको अनुगमन

६ असार २०७५, बुधबार १९:३३
 

सदरलाइनडटकम,
नेपालगन्ज : आर्थिक वर्षको अन्तिम महिनामा नेपालगन्ज उप–महानगरको सहयोगमा सञ्चालनमा रहेका विभिन्न कार्यक्रमहरुको अनुगमन तीब्र पारिएको छ । सोही अन्तरगत नेत्रहिन लक्षित सञ्चालित कार्यक्रमको बुधबार स्थलगत अनुगमन गरिएको हो । नेपालगन्ज उप–महानगरपालिका मार्फत बाँके नेत्रहिन संघले नेत्रहिनका लागि सञ्चालन गरेको दुई महिने कम्प्यूटर तालिम, ३ दिने बंगुर पालन र सात दिने मोवीलिटी तालिमको उप–महानगरपालिकाकी उपप्रमुख उमा थापामगर नेतृत्वको टोलीले अनुगमन गरेको जनाईएको छ ।
कम्प्युटर तालिम अन्तरगत २४ जनालाई ६– ६ जनाको समूह बनाएर आवाजका माध्यमबाट टाईप गर्न सीकाउने प्रशिक्षण भइरहेको प्रशिक्षक रामसिंह ठकुरीले जानकारी दिए ।
जिल्लाका ६ जनालाई दिइएको ३ दिने बंगुर तालिम र नेत्रहीनलाई सहज रुपमा हिडडुल गर्न सीकाउने तालिमको पनि बुधबार नै अनुगमन गरिएको छ । यसैगरी त्रिभुवन मावि कोहलपुरमा १३, मंगल माविमा ३९ र बाहिरका १७ जनालाई मोवीलिटी तालिम दिइएको प्रशिक्षक राधीका थापाले जानकारी दिईन ।
नेत्रहीन संघका भावुक जंग थापाले संस्थाको गतिविधि बारे अवगत गराएपछि उपप्रमुख थापामगरले नेत्रहिन केन्द्रीत तालिमले आत्मबलसँगै जीवनयापनमा सहजता ल्याउने विश्वास व्यक्त गरिन ।

Next Post

नेपालगन्जमा सामुदायिक (छाडा) कुकुरको बन्ध्याकरण शिविर

६ असार २०७५, बुधबार १९:३३
सदरलाइनडटकम, नेपालगन्ज : नेपालगन्ज उप–महानगरले एक हप्ते सामुदायिक (छाडा) कुकुरको बन्ध्याकरण शिविर सञ्चालनमा ल्याएको छ । एनिमल नेपाल र जिल्ला पशु सेवा कार्यालय बाँकेको सहकार्यमा नेपालगन्ज उप–महानगरपालिकाले बुधबारदेखि एक हप्ते बन्ध्याकरण शिविर गरेको हो । शिविरमा पहिलो दिन दुई दर्जन कुकुरको बन्ध्याकरण गरिएको नेपालगन्ज उप–महानगरपालिकाका पशु सेवा शाखा प्रमुख तथा […]

सम्बन्धित