सदरलाइनडटकम
११ जेठ , नेपालगन्ज : खजुरा गाउँपालिका अन्र्तगत उढरापुर स्वास्थ चौकीले जेठ १३ र १४ गते महिला स्वास्थ शिबिरको आयोजना गर्ने भएको छ ५ र ६ न वडा कार्यालयको सहयोग र उढरापुर स्वास्थ्यचौकीको आयोजनामा २ दिने शिबिर गर्न लागिएको हो ।
आयोजक उढरापुर स्वास्थ्य चौकीका इन्चार्ज तेजबहादुर वलीका अनुसार, प्रजनन उमेर का महिला हरुमा देखिने पाठेघर सम्बन्धि स्वास्थ्य समस्या र आङ(पाठेघर) खस्ने समस्या को परामर्श तथा उपचार गर्न लागिएको हो । यस्तै महिलामा तल्लो पेट दुख्ने,फोहोर पानी बग्ने,यौन रोग, तथा पाठेघर को क्यान्सर सम्बन्धि चेकजाच तथा उपचार सेवा पनि उक्त शिबिरमा गर्न लागिएको छ ।
खजुरा गाउँपालिकाबाट बिनियोजन गरिएको र वडा कार्यालयबाट प्रदान गरिएको कार्यक्रमबाट सो कार्यक्रमहरु सन्चालन गर्न लागिएको हो । आगामी दिनमा गर्भवतीलाई झुल बितरन गर्ने कार्यक्रम रहेको कुरा उढारापुर स्वस्थ्य चौकी इन्चार्ज वलीले बताए ।
उढरापुरमा महिला स्वास्थ्य शिविर हुने
११ जेष्ठ २०७५, शुक्रबार १८:१५
