सदरलाइनडटकम
१२ बैशाख, नेपालगन्ज : सर्बोच्च अदालतका न्यायाधीस पुरुषोत्तम भण्डारीलाई नेपालगन्जका कानुन व्यवसायीहरुले बुधवार स्वागत गरेका छन् ।
बाँके र बर्दियाका बिभिन्न तहका अदालतको आन्तरिक निरिक्षणमा आएका न्यायाधीस भण्डारीलाई जिल्ला अदालत बार एशोसियनका तर्फबाट बिहान स्वागत तथा सम्मान गरिएको हो ।
सो अवसरमा कानुन व्यवसायीहरुले अदालतभित्रका भौतिक पूर्वाधार अभावका समस्या र अदालतका फैसला कार्यान्वयनमा हुने ढिलासुस्तीका बिषयमा न्यायाधीस भण्डारी समक्षा कुरा राखेका थिए । जबाफमा न्यायाधीस भण्डारीले भौतिक पूर्वाधार निर्माणका लागि चासो व्यक्त गर्दै आवश्यक सहयोग गर्ने बताएको अधिवक्ता बसन्त गौतमले जानकारी दिए । उनले अदालतको गरिमा बढाउने लागिपरेको पनि बताए । सो अवसरमा नेपाल बारका उपाध्यक्ष शालिकराम सापकोटा लगायतकाले बोलेका थिए ।
