सदरलाइनडटकम,
६ बैशाख, नेपालगन्ज : नेपालगन्ज जेसीजले बिहीबार बिहान धम्वोझीमा ट्राफिक सचेतना कार्यक्रम सम्पन्न गरेको छ । सप्ताहव्यापी कार्यक्रम अन्र्तगत चौथो दिन ट्राफिक सचेतना कार्यक्रम गरीएको सप्ताह मुल समितिका संयोजक प्रज्वल श्रेष्ठले जानकारी दिए ।
उनले बाटो पारगर्दा जेव्राक्रसिङको प्रयोगमा सर्वसाधारणले ध्यान नदिने, हेलमेट नलगाएर सवारी चलाउने लगायत ट्राफिक उलङ्घन गरेको पाईएकाले ट्राफिक प्रहरीसंग सहकार्य गरी सचेतनामूलक कार्यक्रम गरिएको बताए ।
नेपालगन्ज उप–महानगरका मेयर डा. धवल शम्शेर राणाको उपस्थितिमा सम्पन्न गरिएको कार्यक्रम वैशाख १ गतेदेखि सुरु भएको सप्ताह व्यापी कार्यक्रम अन्र्तगत आगामी ८ गते नेपालगन्ज कारागारमा आँखा शिविर सन्चालन गर्ने, १२ गते कम्दीको शिवपुरमा स्वास्थ्य शिविर सन्चालन गर्ने र १५ गते समापन गर्ने कार्यक्रम रहेको संयोजक श्रेष्ठले जानकारी दिए ।
