सदरलाइनडटकम, 
४ बैशाख, वर्दिया : बर्दियामा घर लिपपोत गर्ने माटो लिन गएका व्यक्तिहरु माटोको ढिस्कोले पुरिदा एकको मृत्यु हुनुको साथै दुईजना घाइते भएका छन् ।
मधुवन नगरपालिका–५ वर्दियाकी २५ वर्षिया गणेश शाहीको माटोको ढिस्को झर्दा पुरिएर मृत्यु भएको छ । उनीसँगै माटो लिन गएकी अन्य दुई जना महिला घाइते भएका छन् ।
घाइते हुनेहरुमा सोही ठाउँकी २१ वर्षिया सुर्जा शाही र २६ वर्षिया सुश्मिता विक रहेकी छन् । सुर्जा शाही गर्भवती भएको र उनको खुट्टामा गम्भीर चोट लागेको कारण उनलाई उपचारका लागि स्थानीय अस्पतालमा भर्ना गरिएको बर्दिया प्रहरीले जनाएको छ ।
सुश्मिता विकलाई भने सामान्य चोट लागेको प्रहरीले जनाएको छ । घटनास्थल डाडे सामुदायिक बन भित्रको माटो खानीमा प्रहरी पुगेको र घटनाको अनुसंधान भईरहेको प्रहरीले जनाएको छ ।
बर्दियामा माटोको ढिस्कोले झर्दा एकको मृत्यु दुई घाइते
४ बैशाख २०७५, मंगलवार १२:०६
