सदरलाइनडटकम
३ चैत, नेपालगन्ज : नेपालगन्जको बागेश्वरी मन्दिरको सटर भाडावाफतको बक्यौता उठाउने कार्यलाई बागेश्वरी मन्दिर गुठी व्यवस्थापन समितिले तीव्रता दिएको छ । समितिले दुई महिनाको अवधिमा २४ लाख ८० हजार बक्यौता उठाएको समितिका सचिव गोपाल अधिकारीले जानकारी दिए ।
मन्दिरको सटरभाडामा लिएर लामो समयसम्म रकम नतिर्ने पसल धनीहरुलाई यही चैत २४ गतेसम्म भाडा बुझाउन अल्टिमेटम दिइएको छ । त्यसैगरी मन्दिरको आयस्रोत वृद्धिका लागि सटरभाडा बढाउने तयारीमा समेत समिति पुगेको छ ।
मन्दिरका साढे दुई दर्जन सटरभाडामा दिइएको छ । कुनै सटर १ हजार ५ सयमा कुनै सटर १४ हजारसम्ममा भाडामा दिइएको पाइएकाले त्यसको मापदण्ड समेत तय गर्ने तयारीमा मन्दिर व्यवस्थापन समिति पुगेको हो ।
केहीदिन अघि मात्र जिल्ला मालपोत कार्यालय बाँकेमा राखेको तिजोरी खोलेर मन्दिरको चलअचल सम्पत्तिको नयाँ अभिलेख कायम गरिएको थियो ।
बागेश्वरी मन्दिरको खजाना खोलियो अपेक्षा गरे अनुसारको सम्पत्ति भेटिएन
