सदरलाइनडटकम 
२ चैत, कोहलपुर (बाँके) : देउसी, भैलोको रकम मोजमस्तीमा सिध्याउने गरिएको भए पनि बाँकेको कोहलपुरका महिलाहरुले भने सामाजिक काममा खर्च गरेर उदाहरण बनेका छन् ।
गत देउसी भैलो खेलेर संकलन गरेको रु १ लाख ३० हजार रकम महिला जागरण मंच दसबिगाहा,कोहलपुरले फोहर राख्ने ड्रम खरिद गरी कोहलपुर नगरक्षेत्रमा राखेका छन् । मंच आवद्ध मधु खड्काका अनुसार, उक्त रकमबाट १ सय ६ वटा ड्रम खरिद गरेर कोहलपुर नगरक्षेत्रका बिभिन्न स्थानमा राखिएको छ ।
‘देउसी भैलोको रकम मनोरन्जनमा खर्च गर्नुभन्दा सामाजिक कार्यमा खर्च गरेर उदाहरण पेश गरेका छन् महिलाहरुले ।’ खड्काले भनिन्,—‘आगामी दिनमा पनि यस्ता कामहरु भइरहन्छन् ।’ मन्चले ड्रम आफुहरुले राखे पनि फोहोर फाल्ने र गाडीको व्यवस्थापन नगरपालिकाले गर्नुपर्ने बताईन ।
कोहलपुर नगरपालिकाले सफा, सुग्घर शहर बनाउने अभियान थालेको छ । सोही अभियान अन्र्तगत महिला जागरण मन्चले हातेमाले गरेको हो ।
भैलोको रकम सामाजिक कार्यमा खर्चिए महिलाले
२ चैत्र २०७४, शुक्रबार ०७:२५
