२७ बैशाख, नेपालगन्ज : नेपालगन्ज–कोहलपुर सडकखण्डको जानकी गाउपालिका–६ पिप्रहवाचोक नजिकै भएको सडक दुर्घटनामा परेर एकजनाको मृत्यु भएको छ भने अन्य दुईजना सामान्य घाइते भएका छन् ।
जिल्ला प्रहरी कार्यालय बाँकेका प्रवक्ता समेत रहेका प्रहरी नयव उपरीक्षक सरोज पौडेलले दिएको जानकारी अनुसार ओबिलाल खत्रीले चलाएको भे ५ प ८९३ नं.को मोटर साईकलले पैदलयात्रीलाई ठक्करदिदा भारत बहराईचका ६७ वर्षिय अमृतलाल बाजपेयीको मृत्यु भएको हो ।
तीब्र गतिमा रहेको मोटरसाईकल अनियन्त्रित भई दुर्घटना हुँदा पैदल यात्री बाजपेयी सहित अन्य दुईजना घाइते भएका थिए । गम्भीर घाइते अवस्थामा रहेका वाजपेयीलाई भेरी अञ्चल अस्पतालमा प्राथामिक उपचारपछि नर्सिङ्ग होम रिफर गरिएको थियो ।
मंगलबार साँझ साढे ६ बजे भएको सो सवारी दुर्घटनामा परि मृत्यु भएका बाजपेयीको शव आफन्तले बुझेर सद्गतको लागि जिम्मामा लिनुको साथै र बाँकी दुई घाइतेको नेपालगन्ज नर्सिङ्गहोममा उपचार भई रहेको छ । प्रहरीका अनुसार घाइते दुई जनाको अवस्था सामान्य छ । चालक खत्री र मोटरसाइकल ईलाका प्रहरी कार्यालय कोहलपुरको नियन्त्रणमा छ । 
सडक दुर्घटनामा एकको मृत्यु, दुई घाइते
२७ बैशाख २०७४, बुधबार १४:१२
