राप्तीपारीको हुलासपुरमा भिषण आगलागी

२० बैशाख २०७४, बुधबार १७:२५
 


सदरलाइनडटकम 
२० बैशाख नेपालगन्ज : बाँकेको राप्तीपारीको विकट गाउपालिकामा बुधबार दिउसो भिषण आगलागी भएको छ । बाँके प्रहरीले दिएको जिानकारी अनुसार नरैनापुर गाउपालिका–५ हुलासपुरमा दिउसो करिव २ बजे भएको आगलागीबाट २५ घर, ५ गोठ र २ बाख्रा जलेर नष्ट भएको छ ।
जिल्ला प्रहरी कार्यालय बाँकेका प्रहरी उपरीक्षक टेकप्रसाद राईले दिउसो करिव १ बजेर ५० मिनेट जाँदा स्थानीय शालिकराम यादवको घरको चुलोबाट आगो सल्केको जानकारी दिए ।
आगलागिको खबर आउने वित्तिकै भारतीय बाटो हुँदै घटनास्थल पुगेको दमकल घटनास्थल नपुग्दै नेपाल प्रहरी, सशस्त्र प्रहरी र स्थानीय जनताको सहयोगले साँझ ५ बजे तिर नियन्त्रणमा आएको प्रहरी उपरीक्षक राईले बताए ।
प्रहरी उपरीक्षक राईले घटनास्थल सदरमुकाम नेपालगन्जबाट करिव ४० किलोमिटर दक्षिणपूर्व अति विकट क्षेत्रमा भएको कारण नेपालगन्जबाट सो ठाँउमा दमकल पुग्ने बाटो नभएकोले भारतीय बाटो हुँदै जानु परेको स्पष्ट पारे ।

Next Post

सरकारी कार्यालयको सेवा प्रभाबकारी बनाउन प्रतिबद्ध

२० बैशाख २०७४, बुधबार १७:२५
सदरलाइनडटकम      २१ बैशाख, नेपालगन्ज : सेवाग्राहीको माग अनुसार सरकारी कार्यालयबाट प्रदान हुने सेवा चुस्त र प्रभाबकारी बनाउनका लागि बाँके र बर्दियाका प्रमुख जिल्ला अधिकारीले प्रतिबद्धता ब्यक्त गरेका छन । प्रशासकिय अदालत तथा उच्च स्तरीय प्रशासन सुधार कार्यान्वयन तथा अनुगमन समितिले बिहीबार नेपालगन्जमा आयोजना गरेको सुशासनको सन्र्दभमा सुशासनको प्रभावकारीता र न्याय […]