सदरलाइनडटकम 
२८ फागुन, नेपालगन्ज : नेपालगन्जको भृकुटी उमाविमा अध्ययनरत विद्यार्थीहरुको स्वागत तथा विदाई कार्यक्रम शनिबार सम्पन्न भएको छ । कक्षा ११ का विद्यार्थीहरुलाई कक्षा १२ का विद्यार्थीहरुले स्वागत तथा कक्षा १२ का विद्यार्थीहरुलाई कक्षा ११ का विद्यार्थीहरुले बिदाई कार्यक्रम गरिएको थियो ।
सुर्खेतरोडस्थित ओमकटेज रेष्टुरेण्ट एण्ड बारमा भएको सो कार्यक्रममा विद्यालयका कक्षा ११ र कक्षा १२ मा अध्ययनरत विद्यार्थीहरुले आयोजना गरेका हुन ।
सो विद्यालयका कक्षा १२ का विद्यार्थी अंकित बैश्यको सभापतित्व तथा विद्यालय सञ्चालक चक्रबहादुर बमको प्रमुख आतिथ्यमा सम्पन्न कार्यक्रममा विद्यार्थी, शिक्षक तथा सञ्चालकहरुले मन्त्ब्य राखेका थिए ।
कार्यक्रममा प्रमुख अतिथि एवं सञ्चालक बमले यस्ता कार्यक्रमहरुले विद्यार्थीहरुको प्रतिभा उजागर गर्नुका साथै विद्यालय र विद्यार्थीहरु बिचको सम्वन्धलाइ थप सुमधुर बनाउने बिचार ब्यक्त गरे । कार्यक्रममा विद्यार्थीहरुद्वारा बिबिध सांगितिक कार्यक्रमहरु प्रस्तुत गरिएको थियो ।
