सदरलाइनडटकम
१८ मंसिर, नेपालगन्ज : नेपालगन्जका उद्योगी व्यावसायीहरुले बामगठबन्धनका उम्मेदवारलाई विजय गराउन अपिल गर्दै नेपालगन्जका विभिन्न स्थानमा प्रदर्शन गरेका छन् ।
नेपालगन्ज उद्योग बाणिज्य संघका अध्यक्ष नन्दलाल बैष्यको अगुवाईमा नेपालगन्जका उद्योगी व्यावसायीहरुको समुहले बाम गठबन्धनका उम्मेदवार बाँके निर्वाचन क्षेत्र नं. २ का उम्मेदवार पशुपतिदयाल मिश्र, क्षेत्र नं. २ ख का उम्मेदवार विजयकुमार गुप्ता समेतको उपस्थितिमा मत माग्दै र्याली निकालेको र्याली तयारी समितिका संयोजक सेम शाक्यले जानकारी दिए ।
बामगठबन्धनले प्रतिनिधि सभा बाँके निर्वाचन क्षेत्र नं २ र प्रदेश सभा २ ख मा पहिलो पटक व्यावसायी उद्योगीलाई उम्मेदवार बनाएको भन्दै प्रचार प्रसारको अन्तिम दिन उनीहरुको पक्षमा मत माग्दै हिडेका हुन ।
उनले बाँके निर्वाचन क्षेत्र नं. २ मा सोमबार गुप्ता र मिश्रको समर्थनमा खजुरारोड, घरबारीटोल, एकलैनी, सदरलाइन हुँदै त्रिभुवनचोक पुगेर कोणसभामा परिणत भएको बताए । कोण सभालाई नेपालगन्ज उद्योगबाणिज्य संघका अध्यक्ष नन्दलाल बैष्य, उम्मेदवार मिश्र र गुप्ताले सम्बोधन गरेका थिए ।
